Shreya Maskar
रेस्टॉरंट स्टाइल मिक्स व्हेज भाजी बनवण्यासाठी फुलकोबी, बीन्स, वाटाणे, पनीर, गाजर, बटाटे, शिमला मिरची, कांदे, टोमॅटो, काजू आणि तुमच्या आवडीनुसार इतर भाज्या इत्यादी साहित्य लागते.
आलं, हिरवी मिरची, धने पावडर, लाल तिखट, हळद, गरम मसाला, जिरे पावडर, मीठ, चिली सॉस, कसुरी मेथी, तमालपत्र आणि काळी मिरी इत्यादी मसाले लागतात.
रेस्टॉरंट स्टाइल मिक्स व्हेज भाजी बनवण्यासाठी सर्वप्रथम सर्व भाज्या कापून घ्या.
पॅनमध्ये तेल गरम करून त्यात कोबी गोल्डन होईपर्यंत तळून घ्या.
यात गाजर, बीन्स, कांदा, शिमला मिरची आणि बटाटे देखील फ्राय करून घ्या.
आता दुसऱ्या पॅनमध्ये फोडणीसाठी तेल गरम करून त्यात जिरे, तमालपत्र, काळी मिरी आणि हिरव्या मिरचीची पेस्ट टाकून एकजीव करून घ्या.
मिश्रणात गरम मसाला, हळद, धने पावडर, जिरे पावडर, चवीनुसार मीठ, टोमॅटोची पेस्ट आणि पाणी घालून छान मिक्स करा.
शेवटी यात चिली सॉस, काजूची पेस्ट आणि तळलेल्या भाज्या घालून भाजी चांगली शिजवून घ्या.