Shreya Maskar
पावसाळ्यात काही तरी चटपटीत खावेसे वाटत असेल तर गरमागरमा चहासोबत खाण्यासाठी कुरकुरीत हिरव्या मिरचीचे भजी बनवा. झटपट होणारी रेसिपी लिहून घ्या.
हिरव्या मिरचीचे भजी बनवण्यासाठी हिरव्या मिरच्या, बेसन, गरम मसाला, चाट मसाला, बेकिंग सोडा, लाल तिखट, मीठ, तेल, उकडलेला बटाटा, कांदा इत्यादी साहित्य लागते.
हिरव्या मिरचीचे भजी बनवण्यासाठी सर्वप्रथम एका बाऊलमध्ये उकडलेला बटाटा, बारीक चिरलेला कांदा, गरम मसाला, चाट मसाला, लाल तिखट, मीठ आणि बारीक चिरलेली हिरवी मिरची टाकून मिश्रण एकजीव करून घ्या.
आता मोठ्या हिरव्या मिरचीची एक बाजू तोडून त्यातील बिया काढून टाका. दुसऱ्या बाजूला भजी तळण्यासाठी पॅन गरम करून त्यात तेल ओता.
बाऊलमध्ये बेसन, गरम मसाला, चाट मसाला, मीठ, लाल तिखट, बेकिंग सोडा घाला. पीठ तयार करण्यासाठी हळूहळू पाणी घाला. पीठ जास्त घट्ट किंवा जास्त पातळ होणार नाही याची काळजी घ्या.
आता सर्व मिरच्यांमध्ये बटाट्याचे सारण भरा. भरलेल्या मिरच्या एक-एक करून बेसनात बुडवा आणि हळूहळू गरम तेलात तळून घ्या. मिरच्या हलक्या तपकिरी झाल्यावर काढा.
हिरव्या मिरचीचे भजी एका ताटात काढून त्यावर वरून चाट मसाला भुरभुरा. कुरकुरीत हिरव्या मिरचीचे भजी पुदिन्याची चटणी आणि सॉससोबत खा.
भजी तुम्हाला अधिक कुरकुरीत पाहिजे असतील तर पिठात २ चमचे तांदळाचे पीठ किंवा कॉर्नफ्लोर मिसळा.
पावसाळ्यात काही तरी चटपटीत खावेसे वाटत असेल तर गरमागरमा चहासोबत खाण्यासाठी कुरकुरीत हिरव्या मिरचीचे भजी बनवा. झटपट होणारी रेसिपी लिहून घ्या.
हिरव्या मिरचीचे भजी