Manasvi Choudhary
दुग्धजन्य पदार्थ आरोग्यासाठी अत्यंत पौष्टिक मानले जातात. या पदार्थ्यांमध्ये प्रथिने, कॅल्शियम आणि शरीराला आवश्यक जीवनसत्त्वे असतात.
निरोगी राहण्यासाठी आहारात दूध- दहीचा समावेश करतात. मात्र दूध- दही याचे सेवन योग्य वेळी करणे देखील महत्वाचे आहे.
रात्रीच्या वेळी दूध की दही, नेमके कशाचे सेवन करावे? असा प्रश्न अनेकांना पडतो.
रात्री दुध प्यायल्याने शरीराला 'ट्रिप्टोफॅन' आणि 'मेलटोनिन' हे घटक मिळतात.मेंदू शांत होतो. आणि झोप शांत लागते.
रात्री झोपताना कोमट दूध प्यायल्याने पचनक्रिया सुधारते आणि सकाळी पोट साफ होण्यास मदत मिळते.
रात्री दूध प्यायल्याने दिवसभराचा थकवा आणि ताणतणाव दूर होतो. मूड फ्रेश होतो.
आयुर्वेदामध्ये रात्रीच्या वेळी दही खाणे चुकीचे मानले जाते. दही चवीला आंबट आणि थंड असते, ज्यामुळे रात्रीच्या वेळी खाल्ल्यास कफ, सर्दी-खोकल्याचा त्रास होऊ शकतो.
रात्री शरीराची पचनक्रिया मंदावलेली असते दही हे पचायला जड असते. अशावेळी तुम्ही रात्री दहीचे सेवन केले तर पचनक्रिया बिघडू शकते.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.