Shreya Maskar
हिवाळ्यात ऑफिसमधून आल्यावर काही चटपटीत खावेसे वाटत असेल तर फक्त १० मिनिटांत मेथी पकोडे बनवा. ही रेसिपी बनवायला अगदी सिंपल आहे.
मेथी पकोडे बनवण्यासाठी मेथीची पाने, कांदा, बेसन, हिरवी मिरची, लसणाचा ठेचा, ओवा, धणे पावडर, गरम मसाला, खाण्याचा सोडा, मीठ, हळद, हिंग, लिंबाचा रस, कोथिंबीर इत्यादी साहित्य लागते.
मेथी पकोडे बनवण्यासाठी सर्वप्रथम मेथीची भाजी स्वच्छ धुवून बारीक चिरून घ्या. जास्त जाड पानं राहणार नाही, याची काळजी घ्या.
यात कांदा आणि बारीक चिरलेली कोथिंबीर टाकून मिश्रण एकजीव करून घ्या. तुम्ही यात पुदिना देखील टाकू शकता.
त्यानंतर मिश्रणात धणे पावडर, खाण्याचा सोडा, गरम मसाला, ओवा, हळद, हिरवी मिरची, लसणाचा ठेचा, हिंग आणि चवीनुसार मीठ टाकून मिक्स करा.
शेवटी यात लिंबाचा रस टाकून त्यात बेसन पीठ मिक्स करा. सर्व पीठ नीट एकजीव करून घ्या.
तयार पीठाचे छोटे गोळे करून मंद आचेवर खरपूस तळून घ्या. मेथी पकोडे जळणार नाही. याची काळजी घ्या.
गरमागरम मेथी पकोडे पुदिना चटणी आणि सॉससोबत खा. संध्याकाळी एक कप गरमागरम चहासोबत मेथी पकोड्यांचा आस्वाद घ्या.