Shruti Vilas Kadam
मेसी बन बनवण्यापूर्वी केस व्यवस्थित विंचरून घ्या. केसांमधील गुंता काढून ते डोक्याच्या वरच्या बाजूला एकत्र करा. त्यानंतर रबर बँडच्या मदतीने घट्ट पोनीटेल बांधा.
आता पोनीटेलवर दुसरा रबर बँड लावा. मात्र, यावेळी संपूर्ण केस बाहेर काढू नका. केस अर्धेच बाहेर काढून गोल आकाराचा लूप तयार करा.
लूप तयार केल्यानंतर खाली राहिलेले केस दोन भागांत विभागून घ्या. हे केस मेसी बनला सुंदर आकार देण्यासाठी उपयोगी पडतील.
आता दोन्ही बाजूंचे उरलेले केस लूपच्या भोवती गोलाकार पद्धतीने गुंडाळा. यामुळे केसांचा छान आणि भरदार बन तयार होईल.
गुंडाळलेले केस दुसऱ्या रबर बँडमध्ये व्यवस्थित अडकवा. त्यामुळे केस सैल होणार नाहीत आणि तुमचा मेसी बन बराच वेळ टिकून राहील.
आता बोटांच्या मदतीने बनमधील केस हलकेच बाहेर ओढा. यामुळे केसांना छान व्हॉल्यूम मिळेल आणि मेसी बन अधिक आकर्षक दिसेल.
मेसी बन जास्त वेळ ठेवायची असेल तर केसांवर थोडासा ड्राय शॅम्पू वापरा. पातळ रबर बँडऐवजी चांगला स्क्रंच वापरा. तसेच कपाळाजवळ आणि कानांच्या बाजूला केसांच्या काही बटा मोकळ्या सोडा.