Shreya Maskar
तुम्ही जर पीरियड्समध्ये ट्रिप प्लान करत असाल तर तुमच्या बॅगमध्ये काही गोष्टी असायलाच हव्या, जेणेकरून तुमची ट्रिप खूप सुखकर होईल आणि तुम्हाला मजा-मस्ती करता येईल.
पीरियड्समध्ये पिकनिक प्लान करत असाल तर पॅड्स, टॅम्पॉन्स, पीरियड अंडरवेअर तुमच्याकडे असायलाच हवे. चांगल्या दर्जाचे आणि जास्त प्रमाणात या वस्तू तुमच्याकडे ठेवा. उष्णतेमध्ये किंवा शारीरिक हालचालीनंतर तुम्हाला पॅड्स अधिक वेळा बदलावे लागू शकतात.
पीरियड्समध्ये काही महिलांना अनेक वेदना होतात. उदा, पाठदुखी, पोटदुखी, कंबर दुःखी, पाय दुखतात, डोके दुखते अशा वेळी डॉक्टरांच्या सल्ल्याने घेतली जाणारी औषधे तुमच्याकडे ठेवा.
पीरियड्समध्ये हार्मोनल बदलामुळे तुम्हाला गोड खाण्याची इच्छा होते. त्यामुळे सोबत चॉकलेट किंवा तुमचा आवडीचे गोड पदार्थ सोबत ठेवा. तसेच गोड खाल्ल्याने तुम्हाला चक्कर येणार नाही आणि अस्वस्थ वाटणार नाही.
पीरियड्समध्ये हार्मोनल बदलामुळे मूड स्विंग होतात. अशावेळी स्वतःला आनंदी ठेवण्यासाठी आपली आवडती वस्तू सोबत ठेवा. प्रवासात छंद जोपासा. जर तुम्हाला गीतार वाजवायला आवड असेल तर ती आपल्या सोबत ठेवा.
प्रवास म्हटले की स्वच्छता आलीच पण जर तुम्ही पीरियड्समध्ये ट्रिपवर जात असाल तर विशेष स्वच्छता बाळगा. यात हँड सॅनिटायझर, वेट वाइप्स आणि टॉयलेट पेपर कायम सोबत ठेवा.
झिप लॉक पिशवी ही सगळ्यात महत्त्वाची गोष्ट आहे. पीरियड्समध्ये वापरलेल्या उत्पादने झिप लॉक पिशवीमध्ये ठेवा. प्रवासात असेल कुठेही काही फेकू नका. याचा तुम्हाला आणि इतरांना, प्राण्यांना-पक्षांना त्रास होऊ शकतो.
मासिक पाळीत घट्ट कपडे घालणे टाळा. कायम आरामदायक, सैल कपड्यांची निवडा करा. तसेच गडद रंगाचे कपडे निवडा. सोबत जास्तीचे रूमाल ठेवा. तसेच एक जोड जास्तीचा ठेवा.