Shreya Maskar
प्रवासात असताना अचानक तुम्हाला मासिक पाळी आल्यास घाबरू नका. प्रवासात गाडी थांबवून एक चांगले वॉशरूम शोधा. त्वरित मेडिकल स्टोरमधून आवश्यक वस्तू खरेदी करा. उदा. पॅड्स, टॅम्पॉन्स
तुम्ही जर मासिक पाळीच्या तारखेच्या दरम्यान तुमची ट्रिप प्लान करत असाल तर सोबत पीरियड्स किट ठेवा. जेणेकरून तुम्हाला त्या क्षणी धावावे लागणार नाही आणि तुमच्याकडे सर्व आवश्यक गोष्टी असतील.
पीरियड्स किटमध्ये पॅड्स, टॅम्पॉन्ससोबत इंटिमेट वाइप्स, हँड सॅनिटायझर, छोट्या झिप-लॉक बॅग्स सोबत ठेवा. जेणेकरून तुम्हाला कोणती अडचण येणार नाही.
पीरियड्समध्ये असहाय वेदना होतात, अशावेळी प्रवास करणे खूप कठीण जाते. असे होऊ नये म्हणून पोट, पाठ दुखीचे औषध कायम सोबत घ्या. पीरियड क्रॅम्प्स कमी होतील. तसेच सोबत इलेक्ट्रिक हॉट वॉटर बॅग ठेवा.
मासिक पाळी दरम्यान सैल कपडे परिधान करावे. अंगाला घट्ट बसणारे कपडे शक्यतो टाळा. जेणेकरून तुम्हाला आरामदायी वातावरण मिळेल. तुम्ही हलके, गडद रंगाचे कपडे निवडा. जसे की हवेशीर ड्रेस किंवा सैल पॅन्ट. सोबत पीरियड अंडरवियर ठेवा.
मासिक पाळी दरम्यान शरीरातील हार्मोनल बदलावामुळे थकवा जाणवतो, चक्कर येते, चिडचिड होते अशावेळी खाण्यासाठी चॉकलेट किंवा गोड पदार्थ सोबत ठेवा. जे तुम्हाला आनंदी ठेवतील.
सार्वजनिक शौचालये वापरताना स्वच्छतेची काळजी घ्या. टॉयलेट सीट सॅनिटायझर वापरा. जास्त वेळ एकाच जागी बसून न राहता थोडा वेळ चालणे किंवा स्ट्रेचिंग करणे फायदेशीर ठरते. तसेच बाहेरचे तळलेले पदार्थ टाळा.
शक्य असल्यास पीरियड्सच्या तारखेच्या आसपास ट्रिप प्लान करू नये. कारण सोयी सुविधांच्या अभावामुळे तुम्हाला अडचणींना सामोरे जावे लागेल. तसेच बाहेर स्वच्छतेचा सर्वात मोठा प्रश्न उपस्थित होतो.