Shreya Maskar
पीरियड्समध्ये हार्मोनल बदल, इस्ट्रोजेन कमी होणे आणि प्रोजेस्टेरॉन वाढणे तसेच सेरोटोनिन (आनंदी संप्रेरक) ची पातळी कमी झाल्यामुळे गोड खाण्याची तीव्र इच्छा होते.
रक्तातील साखरेची पातळी नियंत्रित ठेवण्याचा सर्वोत्तम मार्ग म्हणजे भूक कंट्रोल करणे. त्यामुळे आहारात प्रथिनयुक्त पदार्थांचा समावेश करा. ज्यामुळे गोड खाण्याची इच्छा नियंत्रित ठेवण्यास आणि शरीरातील ऊर्जा टिकवून ठेवण्यास मदत मिळते.
महिलांनी मासिक पाळीच्या काळात हेल्दी खावे. जंक फूड टाळावे, त्याऐवजी धान्य, कडधान्ये, फळे, हिरव्या भाज्या आणि डाळी यांसारख्या पौष्टिक पदार्थांचा आहारात समावेश करावा.
गोड खाण्याची इच्छा कंट्रोल करण्यासाठी दही आणि चीज हे चांगले पर्याय आहेत. हे शरीरातील ऊर्जा टिकवून ठेवण्यास मदत करू करतात. मात्र याचे सेवन करताना बाहेरील अतिरिक्त साखर टाकू नये.
महिलांनी मासिक पाळीच्या काळात आहारात भरपूर कॅल्शियमचा समावेश करावा, कारण ते सेरोटोनिनची पातळी नियंत्रित करते. उदा. दूध, दही, पनीर, चीज, ताक
सेरोटोनिन हे मूडमधील बदलांसाठी जबाबदार असलेले हार्मोन आहे. कॅल्शियमची कमतरता भरून काढण्यासाठी तुम्ही एक ग्लास दूध पिऊ शकता. कोमट दूध प्या.
मासिक पाळीच्या काळात आपले मन शक्य तितके शांत आणि स्थिर ठेवा. घरात सुखद वातावरण ठेवून तुम्ही गोड खाण्याची इच्छा कमी करू शकता. यामुळे तुम्ही अधिक आनंदी राहाल आणि पुढील समस्या टाळता येतील.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.