Shreya Maskar
गरम पाण्याची शेक हा पाळीच्या वेदनांवर रामबाण उपाय आहे. पायांवर किंवा मांडीवर गरम पाण्याची बॉटल किंवा हीटिंग पॅड ठेवल्यास स्नायू सैल होतात आणि वेदना कमी होतात.
पीरियड्समध्ये पायांचे दुखणे वाढते, त्यामुळे तुम्ही नियमित पायांचे हलके व्यायाम करा. चालणे, योगासने (जसे की पाय स्ट्रेच करणे) केल्याने रक्ताभिसरण सुधारते आणि cramps कमी होतात. रोज १० मिनिटे चाला.
गरम पाण्याने आंघोळ केल्याने संपूर्ण शरीर रिलॅक्स होते आणि पायातील ताण कमी होतो. तसेच तुम्हाला फ्रेश वाटते.
मासिक पाळीत मसाल्याचा चहा पिणे टाळा. त्याऐवजी आल्याचा किंवा दालचिनीचा चहा प्या. पायाची सूज कमी होते आणि वेदना कमी होण्यास मदत मिळते.
मासिक पाळीत महिलांना अधिक ताकदीची गरज असते. त्यामुळे कॅल्शियम आणि मॅग्नेशियमयुक्त आहार घ्या. दूध, बदाम, केळी यांसारखे पदार्थ खाल्ल्यास स्नायूंचा ताण कमी होतो.
नारळ तेल किंवा तिळाच्या तेलाने पायांना हलक्या हाताने मालिश केल्यास रक्तप्रवाह वाढतो आणि आराम मिळतो.
शरीरात पाण्याची कमतरता असल्यास cramps वाढू शकतात. त्यामुळे दिवसातून पुरेसे पाणी प्या.मेथी किंवा जिऱ्याचे पाणी पिल्यास शरीरातील सूज आणि वेदना कमी होतात.
पुरेशी झोप आणि आराम घेतल्याने शरीर लवकर रिकव्हर होते. वेदना खूप तीव्र असल्यास डॉक्टरांचा सल्ला घ्या.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.