Gangappa Pujari
देशभरात सध्या लोकसभा निवडणुकांची रणधुमाळी सूरू आहे. राजकीय नेते, खेळाडूंसह अनेक अभिनेते, अभिनेत्रीही लोकसभेच्या रिंगणात उतरलेत.
हिंदी सिने जगतात ड्रीम गर्ल म्हणून ओळखल्या जाणाऱ्या हेमा मालिनीही मथुरा लोकसभा मतदार संघातून भाजपच्या तिकीटावर निवडणू लढवत आहेत.
हेमा मालिनी या 2014 पासून मथुरेतून निवडणूक जिंकत असून यंदा त्या तिसऱ्यांदा निवडणूकीच्या रिंगणात उतरल्या आहेत.
लोकसभेत तिसऱ्यांदा विजयी होण्यासाठी हेमा मालिनी सध्या जोरदार प्रचार करत आहेत.
गुरुवारी प्रचार करत असताना हेमा मालिनी थेट शेतात पोहोचल्या आणि त्यांनी शेतकऱ्यांशी संवाद साधला.
यावेळी कडक उन्हात त्या हातात विळा घेऊन गव्हाची कापणी करताना दिसल्या.
यावेळी हेमा मालिनी यांनी दिलेली आश्वासने पूर्ण करण्याचा प्रयत्न करू, असा शब्दही मतदारांना दिला.
हेमा मालिनी यांनी नेसलेली कांजीवरम साडी अन् त्यांच्या निखळ सौंदर्याने सर्वांचेच लक्ष वेधले. त्यांचे हे फोटो सध्या व्हायरल होत आहेत.