Chetan Bodke
सध्या झी मराठीवरील ‘पारू’ मालिकेची प्रेक्षकांमध्ये जोरदार चर्चा सुरू आहे. लवकरच मालिकेत नवा ट्विस्ट येणार आहे.
'पारू' मालिकेने फार कमी दिवसात प्रेक्षकांच्या मनावर राज्य केले असून या मालिकेची टीआरपी यादीत नेहमीच चर्चा होत असते.
मालिकेत पारूचे पात्र अभिनेत्री शरयू सोनवणे हिने साकारले.
मालिकेमध्ये उद्यापासून आदित्य आणि पारू यांची लगीनघाई सुरू होणार आहे, अशातच पारूचा आता वधूचा लूक इन्स्टाग्रामावर व्हायरल होत आहे.
शेअर केलेल्या नव्या फोटोत पारू वधूच्या लूकमध्ये दिसत असून सध्या तिच्या नव्या फोटोंची जोरदार चर्चा होत आहे.
पिवळी साडी, हिरवा ब्लाऊज आणि मराठमोळा साज असा लूक अभिनेत्रीने केलेला दिसत आहे.
नाकात नथ, गळ्यात नेकलेस, डोक्यावर मुंडावळ्या अशा नवरीच्या अंदाजामध्ये पारू दिसते.
पारूच्या ह्या लूकवर नेटकऱ्यांकडून सौंदर्याचे कौतुक होत आहे.