Priya More
मराठी सिनेरसिकांसाठी एप्रिल महिना खूपच खास असणार आहे. या महिन्यात ३ चित्रपट रिलीज होणार आहेत.
महेश मांजरेकर यांचा 'जुना फर्निचर', सोनाली खरेचा 'मायलेक' आणि मनोज जरांगे पाटील यांच्यावर आधारित 'संघर्षयोद्धा' हे चित्रपट एप्रिलमध्ये रिलीज होणार आहेत.
आई आणि मुलीच्या हळव्या नात्यावर भाष्य करणाऱ्या 'मायलेक' हा चित्रपट १९ एप्रिल रोजी रिलीज होणार आहे.
या चित्रपटामध्ये अभिनेत्री सोनाली खरे आणि तिची मुलगी सनाया आनंद मुख्य भूमिकेमध्ये आहेत.
मराठा समाजाला आरक्षण मिळावं यासाठी संघर्ष करणारे मनोज जरांगे पाटील यांच्या जीवनावर आधारित 'संघर्षयोद्धा' चित्रपट लवकरच प्रेक्षकांच्या भेटीला येणार आहे.
'संघर्षयोद्धा' हा चित्रपट येत्या २६ एप्रिलला रिलीज होणार आहे. 'संघर्षयोद्धा' या चित्रपटाचे दिग्दर्शन शिवाजी दोलताडे यांनी केले आहे.
मराठी सिनेसृष्टीचे प्रसिद्ध अभिनेते आणि दिग्दर्शक महेश मांजरेकर यांचा 'जुनं फर्निचर' हा चित्रपट २६ एप्रिल रोजी प्रदर्शित होणार आहे.
या चित्रपटामध्ये महेश मांजरेकर यांच्यासोबत मेधा मांजरेकर, उपेंद्र लिमये, भूषण प्रधान, अनुषा दांडेकर आणि सचिन खेडेकर मुख्य भूमिकेत दिसत आहेत.