Chetan Bodke
बालकलाकार म्हणून प्रसिद्धीझोतात आलेल्या आदिनाथ कोठारेने आपल्या सिनेकारकिर्दित मराठीसह बॉलिवूडमध्ये प्रमुख भूमिका साकारली.
आदिनाथ कोठारेला अनेक चित्रपटांमुळे फक्त चाहत्यांमध्येच नाही तर, इंडस्ट्रीतही प्रसिद्धी मिळाली आहे.
सध्या आदिनाथ एका कारणामुळे कमालीचा चर्चेत आला आहे.
गेल्या वर्षापासून चाहत्यांमध्ये रणबीर कपूरच्या ‘रामायण’ चित्रपटाची जोरदार चर्चा होत आहे, पण अद्याप निर्मात्यांकडून चित्रपटाची घोषणा करण्यात आलेली नाही.
अशातच सध्या मिळालेल्या माहितीनुसार, चित्रपटामध्ये मराठमोळा अभिनेता आदिनाथ कोठारे दिसण्याची शक्यता आहे.
दरम्यान अभिनेता चित्रपटामध्ये प्रभू श्रीरामाचा भाऊ भरतच्या भूमिकेत तो दिसण्याची शक्यता आहे.
सध्या आदिनाथ कोठारेची सोशल मीडियावर प्रचंड चर्चा पाहायला मिळत आहे.
अभिनेता आदिनाथ कोठारे कायमच इन्स्टाग्रामवर सक्रिय असतो.
आदिनाथ कायमच चाहत्यांसोबत स्टायलिश अंदाजामध्ये फोटो शेअर करत असतो, त्याच्या फॅशनची चाहत्यांमध्ये चर्चा होते.