Priya More
'सातव्या मुलीची सातवी मुलगी' या मालिकेच्या माध्यमातून प्रेक्षकांचे मनोरंजन करणारी मराठमोळी अभिनेत्री तितीक्षा तावडे सध्या चर्चेत आहे.
तितीक्षा तावडे लवकरच विवाहबंधनात अडकणार आहे. तितीक्षा 'दृश्यम 2' फेम अभिनेता सिद्धार्थ बोडकेसोबत लग्न करणार आहे.
तितीक्षाने नुकताच इन्स्टावर सिद्धार्थ बोडकेसोबतचा फोटो पोस्ट करत लग्नाबाबतची गोड बातमी आपल्या चाहत्यांसोबत शेअर केली.
तितीक्षा लग्न करणार असल्याचे कळताच तिच्या चाहत्यांना प्रचंड आनंद झाला आहे. ते तिच्यावर शुभेच्छांचा वर्षाव करत आहेत.
तितीक्षा आणि सिद्धार्थ हे गेल्या अनेक वर्षांपासून एकमेकांना डेट करत आहेत. तितीक्षा आणि सिद्धार्थ यांची मैत्री खूपच जुनी आहे.
२०१५ साली ‘असे हे कन्यादान’ या मालिकेत मुख्य कलाकारांच्या मित्र-मैत्रिणींची भूमिका हे दोघेजण साकारत होतो. इथेच त्यांची मैत्री झाली.
दोघांनीही झी मराठीवरील 'तू अशी जवळी राहा' मालिकेत मुख्य भूमिका साकारल्या होत्या. या मालिकेमध्ये ते मनवा- राजवीरच्या भूमिकेत दिसले.
सिद्धार्थने ‘टाईम बरं वाईट’ या चित्रपटातून मराठी चित्रपटसृष्टीत पदार्पण केले. त्याने 'दृश्यम २' चित्रपटात काम केलेय.
नुकताच सिद्धार्थ बोडकेचा 'श्रीदेवी प्रसन्न' हा चित्रपट प्रेक्षकांच्या भेटीला आला आहे.