Shruti Vilas Kadam
अभिनेत्री सोनाली कुलकर्णीने नवरात्रीच्या खास लूकसाठी निळ्या रंगाची सुंदर पैठणी साडी नेसली आहे. साडीचा गडद निळा रंग तिच्या लूकला आकर्षक आणि पारंपरिक टच देत आहे.
साडीवर असलेली सोनेरी फुलांची नक्षी आणि सुंदर जरीचा काठ तिच्या लूकचे खास आकर्षण आहे. या नक्षीकामामुळे साडीला रॉयल लूक मिळाला आहे.
निळ्या रंगाच्या साडीला मॅचिंग ब्लाऊजची जोड देण्यात आली आहे. साडी आणि ब्लाऊजचे सुंदर कॉम्बिनेशन सोनालीच्या पारंपरिक लूकला अधिक उठावदार बनवत आहे.
सोनालीने गळ्यात चांदीच्या रंगाचा आकर्षक चोकर नेकलेस घातला आहे. त्यासोबत मॅचिंग कानातले घालून तिने आपल्या लूकमध्ये साधेपणा आणि पारंपरिक सौंदर्य यांचा सुरेख मेळ साधला आहे.
कपाळावर छोटीशी काळी टिकली, नॅचरल मेकअप आणि चेहऱ्यावरील ग्लोमुळे सोनालीचा लूक अधिक सुंदर दिसत आहे. तिने मेकअप साधा ठेवत पारंपरिक लूकला प्राधान्य दिले आहे.
हातातील हिरव्या आणि लाल रंगाच्या बांगड्या निळ्या साडीला अधिक सुंदर बनवत आहेत. या छोट्या अॅक्सेसरीजमुळे तिच्या नवरात्री स्पेशल लूकमध्ये महाराष्ट्रीयन संस्कृतीची झलक दिसते.
निळी पैठणी, सोनेरी नक्षीकाम, चोकर आणि साधा मेकअप यामुळे सोनालीचा लूक नवरात्रीसाठी खास ठरत आहे. सणासुदीला पारंपरिक आणि एलिगंट दिसण्यासाठी तिच्या लूक रिक्रेएट करता येईल.