Priya More
मराठमोळी अभिनेत्री पूजा सावंतने प्रेमाची कबुली दिली आहे. तिने इन्स्टाग्रामवर फोटो शेअर केले आहेत.
पूजा सावंतने होणाऱ्या नवऱ्यासोबतचे फोटो शेअर करत We are engaged असे म्हणत चाहत्यांना गुड न्यूज दिली.
या फोटोमध्ये पूजा सावंतने समुद्र किनारी रोमँटिक होत होणाऱ्या नवऱ्याला मिठी मारल्याचे दिसत आहे.
या फोटोमध्ये पूजाचा होणारा नवरा पाठमोरा उभा राहिला असून पूजा कॅमेऱ्याकडे पाहत बोटातील अंगठी दाखवताना दिसत आहे.
पूजा सावंतने हे फोटो पोस्ट करत कॅप्शनमध्ये, 'माझ्या आयुष्यातील एका नवीन अध्यायासाठी मी सज्ज झाले आहे.' असे लिहिले आहे.
पूजाने होणाऱ्या नवऱ्यासोबतचे तीन फोटो पोस्ट केले आहे. पण एकाही फोटोमध्ये त्याचा चेहरा दिसत नाही.
पूजाच्या चाहत्यांना तिचा होणारा नवरा कोण आहे हे जाणून घेण्याची उत्सुकता लागली आहे. पूजाने देखील तिच्या होणाऱ्या नवऱ्याबद्दल काहीच सांगितले नाही.
पूजा सावंतच्या या पोस्टला तिच्या चाहत्यांनी चांगली पसंती दिली आहे. तसंच कमेंट्स करत पूजावर शुभेच्छांचा वर्षाव केला आहे.