Shreya Maskar
प्रसिद्ध मराठी अभिनेता लवकरच लग्न बंधानत अडकणार आहे. सोशल मीडियावर पोस्ट करून त्याने ही आनंदाची बातमी शेअर केली आहे. हा अभिनेता दुसरा-तिसरा कोणी नसून सिद्धार्थ खिरीड आहे.
सिद्धार्थ खिरीडने होणाऱ्या बायकोसोबत रोमँटिक फोटोशूट करून आपल्या लग्नाची तारीख जाहीर केली आहे. एका खास अंदाजात आपल्या प्रेमाची कबुली दिली आहे. फिल्मी स्टाइल प्री-वेडिंग शूट करून त्यांने लग्नाची तारीख जाहीर केली आहे.
सिद्धार्थ खिरीड डॉ. मैथिली भोसेकरसोबत लग्न बंधनात अडकणार आहे. मैथिली ही सौंदर्यवती आहे. गेल्या अनेक वर्षांपासून दोघे एकमेकांना डेट करत आहे.
मैथिली भोसेकरने 'मिस इंटरनॅशनल वर्ल्ड पेटिट 2022-2023' हा खिताब जिंकला आहे. तसेच पॅरिस फॅशन वीकमध्ये सुद्धा मैथिली झळकली आहे. ती मॉडेलिंग क्षेत्रातही विशेष सक्रिय आहे.
सिद्धार्थ आणि मैथिली 23 जानेवारी 2026 ला लग्न बंधनात अडकणार आहे. फोटोंमध्ये दोघेही रोमँटिक अंदाजात पाहायला मिळत आहे. त्यांचे हे प्री-वेडिंग शूट खूपच सुंदर झाले.
सिद्धार्थ खिरीडने गेल्यावर्षी मैथिलीला गोव्यात फिल्मी स्टाइल प्रपोज केले होते. #sidkihuimai हे त्यांचे हॅशटॅगही खूप व्हायरल होत आहे.
मैथिलीने पांढऱ्या शुभ्र रंगाचा वनपीस, त्यावर पांढऱ्या फ्रेमचा गॉगल, गळ्यात मोत्यांची माळ आणि पांढऱ्याच रंगाचे शूज घालून लूक पूर्ण केला आहे. तर सिद्धार्थने पांढऱ्या शर्टवर काळ्या रंगाचे वेस्टकोट परिधान केले आहे. तसेच पांढरे शूज घातले आहेत.
मैथिली आणि सिद्धार्थने कॉफी शॉपबाहेर हटके फोटोशूट केले आहे. 'मुलगी झाली हो', 'फ्रेशर्स', 'जाऊबाई जोरात', 'हृदयी प्रीत जागते', 'मुरांबा' अशा मालिकांमधून सिद्धार्थ प्रेक्षकांच्या घराघरात पोहचला आहे.