ब्युरो रिपोर्ट, साम टीव्ही, मुंबई
मुंबईत सध्या उन्हाळा सुरु आहे. उन्हाळ्यानंतर आता पावसाळा लवकरच सुरु होणार आहे.
लवकरच मुंबईत मान्सून दाखल होणार असल्याचे सांगितले आहे.
पावसाळ्यात मुंबईकर वीकेंडला किंवा एखाद्या दिवशी फिरायला जाण्याचा प्लान करतात. मुंबईकरांसाठी वन डे ट्रिपसाठी मुंबईजवळच अनेक निसर्गरम्य ठिकाणे आहेत. जिथे तुम्ही भेट देऊ शकतात.
लोणावळा हे मुंबईपासून २ तासाच्या अंतरावर आहे. पावसाळ्यात लोणावळ्यात फिरण्यासाठी अनेक निसर्गरम्य ठिकाणे आहेत.
मुंबईजवळील खंडाळा घाट हा निसर्गाने वेढलेला आहे. खंडाळा घाटात पावसाळ्यात हिरवी झाडी, धबधबे हे पाहण्यासारखे असतात.
माळशेज घाट हा सह्याद्री पर्वतरांगामधील सुंदर घाट आहे. माळशेज घाटात पावसाळ्यात सुंदर धबधबे वाहतात. येथील दृश्य पाहण्यासारखे असते.
मुंबईपासून ३ तासांचा प्रवास केल्यावर मुळशी धरण आहे. पावसाळ्यात भेट देण्यासाठी हे खूप सुंदर ठिकाण आहे.
पनवेलजवळील कर्नाला किल्ला हा हिरव्यागार निसर्गाने वेढलेला आहे. पावसाळ्यात येथे अनेक पक्षी येतात. हे दृश्य खूप सुंदर असते.
मुंबईपासून जवळच असलेल्या अलिबागला तुम्ही भेट देऊ शकतात. अलिबाग येथील समुद्रकिनारे पाहण्यासारखे आहे.