Manasvi Choudhary
आंबा म्हटलं की कोकणचं नाव तोंडातून उमटते. आंबा आणि कोकण हे समीकरण जुनं आहे.
परंतु, तुम्हाला माहितीये का? फक्त कोकणातच नाही तर भारतात अनेक ठिकाणी आंब्यांचे उत्पादन घेतले जाते.
आंबा हा फळांचा राजा मानला जातो. सध्या आंब्याच्या अनेक जाती बाजारात विक्रिसाठी आहेत.
भारतात हापूस आंबा महाराष्ट्रातील रत्नागिरी, रायगड, सिंधुदुर्ग या भागात सर्वाधिक पिकला जातो. महाराष्ट्रातला हापूस जगभरात प्रसिद्ध आहे.
आंबट-गोड चवीचा तोतापुरी आंबा दक्षिण भारतातील कर्नाटक, आंध्र प्रदेश आणि तामिळनाडूमध्ये पिकवला जातो.
गुजरातचा केशर आंबा सर्वानाच माहित आहे. केशर आंब्यांपासून आमरस चांगला होतो.
दक्षिण भारतातील बंगनपल्ले सर्वात प्रसिद्ध आंबा आहे. आंध्रप्रदेश मधील बंगनपल्ले या शहराच्या नावावरून या आंब्याला नाव पडलं आहे.
दशहरी आंबा हा भारतातील उत्तरेकडील प्रदेशातील सर्वात लोकप्रिय आंब्याच्या जातींपैकी एक आहे. उत्तर प्रदेशातील मलिहाबादमध्ये या प्रजातीच्या आंब्याचे सर्वाधिक उत्पादन होते.
लंगडा आंबा हा उत्तर भारतातील प्रसिद्ध आंबा आहे. आंब्यांच्या लंगडा या नावाचा मोठा इतिहास आहे. उत्तर प्रदेश आणि बिहारसह मध्य प्रदेश, ओडिशा अनेक भागांमध्ये या आंब्यांचे उत्पादन घेतले जाते.