Shruti Vilas Kadam
पिकलेल्या आंब्याचा रस, किसलेला नारळ, साखर, तूप, वेलची पूड आणि ड्रायफ्रूट्स असे साहित्य आंबा नारळ वडीसाठी लागते.
सर्वप्रथम पिकलेले आंबे सोलून त्याचा गुळगुळीत रस तयार करून घ्या. गोड चवेसाठी रस चांगला पिकलेला असावा.
कढईत थोडं तूप घालून किसलेला नारळ हलका भाजून घ्या. त्यामुळे वडीला छान सुगंध आणि चव येते.
भाजलेल्या नारळात आंब्याचा रस आणि साखर घालून मंद आचेवर सतत हलवत शिजवा. मिश्रण घट्ट होईपर्यंत गॅसवर ठेवा.
मिश्रण घट्ट झाल्यावर त्यात वेलची पूड आणि आवडीनुसार बदाम, काजू किंवा पिस्त्याचे तुकडे मिसळा.
तुपाने ग्रीस केलेल्या ताटात मिश्रण पसरवून घ्या. थोडं थंड झाल्यावर सुरीने आवडत्या आकारात वड्या कापा.
आंबा नारळ वडी पूर्णपणे थंड झाल्यावर सर्व्ह करा. ही गोड आणि स्वादिष्ट वडी सणासुदीला किंवा पाहुण्यांसाठी उत्तम पर्याय ठरते.