Shruti Vilas Kadam
मालपुआसाठी मैदा, दूध, साखर, बडीशेप, वेलची आणि तूप किंवा तेल आवश्यक आहे.
एका भांड्यात मैदा घेऊन त्यात दूध हळूहळू मिसळा. गुठळ्या राहणार नाहीत अशा पद्धतीने मध्यम घट्टसर मिश्रण तयार करा.
तयार केलेले मिश्रण काही वेळ झाकून ठेवा. यामुळे मालपुआची पोत अधिक मऊ होण्यास मदत होते.
कढईत साखर आणि पाणी घेऊन एकतारी पाक तयार करा. त्यात वेलची किंवा केशर घातल्यास सुगंध आणि चव वाढते.
कढईत तूप किंवा तेल गरम करून तयार मिश्रणाचा छोटा भाग गोलाकार सोडा. दोन्ही बाजूंनी सोनेरी रंग येईपर्यंत तळा.
तळलेले गरम मालपुए काही वेळ साखरेच्या पाकात बुडवून ठेवा. त्यामुळे त्यात गोडवा व्यवस्थित मुरतो.
तयार मालपुआ रबडी, ड्रायफ्रूट्स किंवा केशराच्या सजावटीसोबत सर्व्ह करा. सण-समारंभासाठी ही गोड रेसिपी खास ठरू शकते.