Shreya Maskar
पोंगल हा दक्षिण भारतात, विशेषतः तामिळनाडूमध्ये, मकर संक्रांतीच्या (जो तिथे पोंगल म्हणून साजरा होतो) निमित्ताने बनवला जाणारा एक गोड, पारंपारिक पदार्थ आहे. पोंगल ही एका प्रकारची तांदळाची खीर आहे.
पोंगलचे मुख्य दोन प्रकार आहे. १) स्वीट पोंगल (गोड) आणि २) वेन पोंगल (खारट) आज आपण गोड पोंगल बनवण्याची रेसिपी जाणून घेऊयात.
पोंगल बनवण्यासाठी सर्वप्रथम कुकरमध्ये तूप टाकून त्यात धुतलेले तांदूळ आणि मुगाची डाळ शिजवून घ्या. मध्यम आचेवर फ्राय करा.
यात वाटीभर दूध आणि पाणी टाकून ४-५ शिट्ट्या होईपर्यंत भात-डाळ शिजवा. जेणेकरून भात चांगला मऊ होईल.
दुसरीकडे पॅनमध्ये गूळ आणि पाणी टाकून घट्ट पाक तयार करा. लक्षात ठेवा पाक जास्त घट्ट किंवा पातळ होणार नाही याची काळजी घ्या.
यात कुकरमधील भात-डाळीचे शिजवलेले मिश्रण मिक्स करा. तुम्ही यात आवडत असेल तर ओलं खोबरं देखील टाकू शकता.
दुसऱ्या पॅनमध्ये तूप, काजू, मनुका, बदाम, पिस्ता टाकून परतून घ्या आणि ते भाताच्या मिश्रणात टाका.
त्यानंतर यात वेलची पावडर, चिमूठभर मीठ टाकून एक वाफ काढा. जेणे करून खीर चांगली शिजेल. यंदा मकर संक्रांतीला हा पदार्थ आवर्जून बनवा.