Siddhi Hande
सर्वांनाच झणझणीत मिसळ पाव खायला खूप आवडते.
मिसळ पाव बनवण्यासाठी सर्वप्रथम मटकी धुवून घ्या. त्यात थोड हळद, मीठ आणि पाणी टाका.
मटकी प्रेशर कुकरमध्ये शिजवून घ्या. त्यानंतर मिसळ पावचा मसाला तयार करा.
मसाला तयार करण्यासाठी कढईत तेल टाका. त्यात कांदा, आलं-लसूण, खोबरे, टॉमेटो टाकून पेस्ट करुन घ्या.
आता मोठ्या कढईत तेल गरम करा. त्यात मोहरी,जिरं, कढीपत्ता टाका. त्यात हळद, तिखट,धने पावडर, गरम मसाला घाला.
हे मसाले मंद आचेवर भाजून घ्या. त्यात आता तयार केलेला मसाला टाका. आणि तेल वेगळे होईपर्यंत शिजवून घ्या.
आता या मिश्रणात शिजवलेली मटकी टाकून शिजवून घ्या. त्यावर झाकण ठेवा. यानंतर तुम्ही त्यावर कोथिंबीर टाकून सर्व्ह करु शकतात.
मिसळीवर तुम्ही फरसाण, कांदा आणि लिंबू टाकून खाऊ शकतात.