Siddhi Hande
मिसळ हा पदार्थ महाराष्ट्रातील प्रत्येक घरात बनला जातो. झणझणीत मिसळ ही सर्वांनाच आवडते.
मिसळ बनवताना सर्वप्रथम गरम मसाला (खडा मसाला) कढईत भाजून घ्या. त्यात तीळ आणि जिरेदेखील भाजून घ्या.
हे मिश्रण मिक्समध्ये बारीक करुन घ्या. यानंतर कढईत खोबरे, कांदा भाजून घ्या.
भाजलेले खोबरे, कांदा, आले लसण पेस्ट, कोथिंबीर मिक्समध्ये बारीक करुन घ्या. त्यात गरम मसाल्याची पावडर टाका. त्यात थोडं पाणी टाकून मिक्स करा.
यानंतर एका मोठ्या कढईत तेल टाका.त्यात जिरं मोहरीची फोडणी द्या. त्यानंतर कांदा छान परतून घ्या.
यानंतर कढईत मोड आलेली मटकी टाकून मिक्स करा. त्यात लाल मिरची पावडर, मिसळ पावडर आणि घरी बनवलेला मसाला टाका.
यानंतर मिश्रणात पाणी टाका. चवीनुसार मीठ टाका. मटकी शिजेपर्यंत मिसळ आटू द्या. ही मिसळ तुम्ही फरसाण, कांदा कोथिंबीर टाकून खाऊ शकतात.