Saam Tv
दिवाळीला घरीच सिंपल पद्धतीने फराळ बनवा. चिरोटे हा गोड पदार्थ गावाकडे दिवाळीला बनवला जातो.
अनेक थरांचे, हलकेफुलके आणि कुरकुरीत चिरोटे बनवण्याची अत्यंत सोपी पद्धत
२ कप मैदा, २ चमचे बारीक रवा, चुटकीभर मीठ, ३ चमचे कडकडीत गरम साजूक तूप, ३ चमचे कॉर्नफ्लोर, पिठीसाखर, वेलची पूड, तळावयासाठी तेल/तूप
मैद्यामध्ये रवा, मीठ आणि कडकडीत तुपाचे मोहन घालून नीट मिक्स करा. थोडे थोडे पाणी घालून घट्ट कणीक मळून १५ मिनिटे झाकून ठेवा. एका वाटीत तूप मऊ होईपर्यंत फेटून घ्या. त्यात कॉर्नफ्लोर मिक्स करून हलकी व क्रीमी पेस्ट तयार करा.
मळलेल्या कणकेच्या समान लाट्या करून पातळ पोळ्या लाटा.
एका पोळीवर साटा पसरवा, त्यावर दुसरी पोळी ठेवून पुन्हा साटा लावा.३ पोळ्या रचून झाल्यावर त्याचा घट्ट रोल तयार करा.
रोलचे १-१ इंचाचे छोटे तुकडे कापून हलक्या हाताने थोडे लाटा.
तेल किंवा तूप मध्यम आचेवर गरम करून चिरोटे मंद आचेवरच तळा. यामुळे पदर व्यवस्थित सुटतात.चिरोटे जास्त लाल करू नका. गुलाबी किंवा पांढरट-सोनेरी रंगावर तळा.
तळलेले चिरोटे गरम असतानाच त्यावर पिठीसाखर आणि वेलची पूड भुरभुरा. पाकातले चिरोटे हवे असल्यास साखरेचा १ तरी पाक करून त्यात बुडवून काढा.
कणकेत गरम तुपाचे मोहन घातल्याने चिरोटे छान खुसखुशीत होतात.
पोळीची गुंडाळी करताना हवा राहणार नाही याची काळजी घ्या, म्हणजे चिरोटे सुटत नाहीत.
साटा तयार करताना तांदळाच्या पिठाऐवजी कॉर्नफ्लोर वापरल्यास जास्त लेयर्स सुटतात.
तुमचे खुसखुशीत चिरोटे तयार आहेत. पूर्ण थंड झाल्यावर हवाबंद डब्यात ठेवून १५-२० दिवस या चविष्ट फराळाचा आनंद घ्या.
NEXT : दिवाळीला फराळात बनवा स्वादिष्ट दाणेदार बूंदीचे लाडू, वाचा सोपी रेसिपी