Manasvi Choudhary
नववर्षाचा पहिला सण हा गुढीपाडवा आहे. गुढी पाडवा या सणाला घरोघरी गुढीची पूजा केली जाते आणि गोड नैवेद्य अर्पण करतात.
गुढीपाडव्या गरमागरम पुरणपोळी आणि कटाची आमटी ही रेसिपी प्रत्येक घरात होते. यासाठी आज आम्ही तुम्हाला पुरणपोळी कटाची आमटी रेसिपी सांगणार आहोत.
कटाची आमटी बनवण्यासाठी डाळ शिजवलेले पाणी, सुके खोबरे, कढीपत्ता, कोथिंबीर, जिरे - मोहरी, हिंग, मसाला, मीठ हे साहित्य एकत्र करा,
कटाची आमटी बनवण्यासाठी सर्वातआधी कुकरमध्ये चणाडाळ, हळद आणि पाणी घालून मऊ शिजवून घ्या.
नंतर शिजवलेल्या डाळीतील पाणी वेगळे काढून घ्या. नंतर वाटण तयार करा भाजलेला कांदा, खोबरे, आलं आणि लसूण यांचे बारीक वाटण करून घ्या
कढईत तेल गरम करा त्यात मोहरी, जिरे, हिंग आणि कढीपत्ता टाका. तयार वाटण टाकून तेल सुटेपर्यंत परता.
आता मिश्रणात मसाला घालून परतून घ्या त्यात डाळीचे पाणी मिक्स करा.
चवीनुसार मीठ आणि थोडा गुळाचा खडा टाका. १०-१५ मिनिटे मंद आचेवर उकळू द्या. वरून भरपूर कोथिंबीर सोडा.