Gangappa Pujari
राज्यभरातील ११ लोकसभा मतदार संघांमध्ये आज तिसऱ्या टप्प्यात मतदान होत आहे. सकाळपासूनच लोक मतदान केंद्रांवर गर्दी करताना दिसत आहेत. उपमुख्यमंत्री अजित पवार यांनी सहकुटुंब मतदानाचा हक्का बजावला
ज्येष्ठ नेते शरद पवार यांनीही आज बारामती येथे मतदानाचा हक्क बजावला. तसेच संपूर्ण देशातील मतदारांनी आपल्या मतदानाचा हक्क बजावण्याचे आवाहनही त्यांनी केले.
धाराशिव लोकसभेचे उमेदवार ओमराजे निंबाळकर यांनीही आपला मतदानाचा हक्क बजावला.
बारामतीमध्ये महाविकास आघाडीच्या उमेदवार सुप्रिया सुळे यांनीही मतदानाचा हक्क बजावला. यावेळी आई प्रतिभा पवार तसेच रेवता सुळेही उपस्थित होत्या.
सांगली लोकसभा मतदारसंघाचे उमेदवार विशाल पाटील आज सकाळी मतदान केंद्रावर जाऊन सपत्नीक मतदानाचा हक्क बजावला.
सातारा लोकसभेचे उमेदवार उदयनराजे भोसले यांनीही आज मतदानाचा हक्क बजावला. विशेष म्हणजे त्यांनी आज सकाळी सात वाजून सात मिनिटांचा मुहूर्त साधत मतदान केले.
लातूरमध्ये अभिनेते रितेश देशमुख, पत्नी जेनेलिया देशमुख यांच्यासह संपूर्ण कुटुंबाने मतदानाचा हक्क बजावला.
बारामतीमध्ये आमदार रोहित पवार यांनीही सहकुटुंब मतदानाचा हक्का बजावला.
माढा लोकसभेचे उमेदवार धैर्यशिल मोहित पाटील यांनी आपल्या मुळगावी पत्नी आणि मुलीसह मतदानाचा हक्क बजावला.