Shruti Vilas Kadam
या पद्धतीमध्ये टॉवेल घट्ट गुंडाळून कमरेखाली ठेवून काही मिनिटे सरळ झोपले जाते. त्यामुळे पाठीचा कणा आणि शरीराची ठेवण (पोस्चर) सुधारण्यास मदत होऊ शकते.
दीर्घकाळ बसून काम करणाऱ्यांमध्ये स्नायूंवर ताण येतो. ही पद्धत स्नायूंना आराम मिळवून देण्यास आणि हलकी पाठदुखी कमी करण्यास काही लोकांना उपयुक्त ठरू शकते.
सतत वाकून बसल्यामुळे शरीराची ठेवण बिघडते. नियमितपणे योग्य पद्धतीने हा व्यायाम केल्यास पोस्चर सुधारण्यास मदत मिळू शकते.
कंबरेभोवतीचे स्नायू आणि पाठीचा खालचा भाग ताणमुक्त होण्यास मदत होते. त्यामुळे दीर्घकाळ बसल्यानंतर होणारा त्रास कमी होऊ शकतो.
टॉवेल घट्ट गुंडाळून तो कमरेखाली ठेवावा. हात डोक्याच्या वर सरळ ठेवून, पाय ताणून अंगठे एकमेकांकडे वळवून ३ ते ५ मिनिटे झोपावे.
हा व्यायाम करताना तीव्र वेदना, चक्कर किंवा अस्वस्थता जाणवल्यास त्वरित थांबावे आणि वैद्यकीय सल्ला घ्यावा.
डिस्कची समस्या, तीव्र कंबरदुखी, अलीकडील दुखापत किंवा हाडांचे विकार असलेल्या व्यक्तींनी डॉक्टर किंवा फिजिओथेरपिस्टचा सल्ला घेतल्याशिवाय ही पद्धत वापरू नये.