Manasvi Choudhary
रक्तातील ग्लुकोजची पातळी खूप कमी झाल्यास शरीरात कोणती लक्षणे दिसतात हे तुम्हाला माहित आहे का?
डायबिटीजच्या रूग्णांना खालील लक्षणे वारंवार दिसत असतील तर डॉक्टराची भेट घ्यावी.
शरीराला ऊर्जा पुरवणारी ग्लुकोजची पातळी अचानक घटल्याने अगदी साधे काम करतानाही प्रचंड थकवा जाणवतो आणि अंगात अजिबात ताण राहत नाही.
मेंदूला पुरेसा ग्लुकोजचा पुरवठा न झाल्यामुळे चक्कर आल्यासारखे वाटते, डोळे अंधुक होतात किंवा तोल गेल्यासारखा होतो.
कोणत्याही कारणाशिवाय अचानक शरीराला कंप सुटणे, हात थरथरणे आणि अंगातून थंड घाम सुटणे हे लो ब्लड शुगरचे सर्वात मोठे लक्षण मानले जाते.
अचानक पोटात कावळे ओरडल्यासारखी तीव्र भूक लागणे, पोटात अस्वस्थ वाटणे किंवा मळमळल्यासारखे होणे असा त्रास होतो.
साखरेची पातळी लो झाल्यावर मेंदूवर ताण येतो, ज्यामुळे व्यक्ती विनाकारण चिडचिड करू शकते, गोंधळल्यासारखे वाटते किंवा नैराश्य जाणवू शकते.
छातीमध्ये धडधड वाढणे किंवा हृदयाचे ठोके वेगाने पडल्यासारखे जाणवणे हे देखील साखरेचे प्रमाण घटल्याचे संकेत आहेत.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.