Manasvi Choudhary
आजकालची धावपळीची जीवनशैली, चुकीच्या खाण्याच्या सवयी आणि ताणतणाव याचा थेट परिणाम आपल्या आरोग्यासोबतच केसांवरही होतो.
केस गळणे, केस कोरडे व निर्जीव होणे, केसांत कोंडा होणे या समस्या अगदी सामान्य बनल्या आहेत.
या समस्यांवर उपाय करण्यासाठी बाजारातील केमिकल प्रोडक्ट वापरण्याऐवजी घरगुती नैसर्गिक उपायांचा वापर करणे फायदेशीर आहे.
तांदूळ, मेथीचे दाणे, कोरफड जेल, गुलाबजल, खोबरेल तेल, रोझमेरी ऑइल आणि व्हिटॅमिन ई कॅप्सूल हे साहित्य वापरा.
रात्री झोपताना एका भांड्यात मेथीचे दाणे आणि तांदूळ वेगवेगळे किंवा एकत्र भिजत घाला.
दुसऱ्या दिवशी सकाळी हे पाणी एका स्वच्छ भांड्यात गाळून घ्या.
आता हे पाणी गॅसवर हलके उकळून घ्या आणि नंतर थंड होऊ द्या.
पाणी पूर्णपणे थंड झाल्यानंतर त्यात गुलाबजल आणि कोरफड जेल नीट मिसळा.
शेवटी यामध्ये खोबरेल तेल व रोझमेरी ऑइल्सचे २ ते ३ थेंब आणि व्हिटॅमिन ईची एक कॅप्सूल फोडून टाका.
तयार झालेले हेअर सीरम एका स्प्रे बॉटलमध्ये भरून ठेवा आणि केसांना नियमित लावा.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.