Shreya Maskar
यकृत (लिव्हर) हा शरीरातील अत्यंत महत्त्वाचा अवयव आहे. यकृताच्या कार्यात बिघाड झाल्यास त्याचे काही संकेत त्वचा आणि हातांवरही दिसू शकतात.
तळहातांचा रंग नेहमीपेक्षा अधिक लाल किंवा गुलाबी दिसू लागणे हे यकृताच्या काही दीर्घकालीन आजारांशी संबंधित असू शकते. विशेषतः तळहाताच्या अंगठ्याजवळील आणि करंगळीजवळील मांसल भागात लालसरपणा अधिक जाणवतो. याला वैद्यकीय भाषेत 'पाल्मर एरिथेमा' म्हणतात.
यकृताच्या काही आजारांमध्ये शरीरात पित्ताशी संबंधित घटक साचू शकतात. त्यामुळे त्वचेला खाज सुटण्याचा त्रास होऊ शकतो. ही खाज हातांच्या तळव्यांवर, पायांच्या तळव्यांवर किंवा शरीराच्या इतर भागांवर जाणवू शकते.
यकृत रक्त गोठण्यास मदत करणारी अनेक प्रथिने तयार करते. यकृताचे कार्य बिघडल्यास ही प्रथिने कमी प्रमाणात तयार होऊ शकतात. परिणामी, हातांवर निळसर किंवा जांभळट डाग पडू शकतात. नखांचा रंग पांढरट होणे, नखांवर रेषा दिसणे किंवा नखांचा आकार बदलतो.
यकृताच्या गंभीर आजारांमध्ये रक्तातील अल्ब्युमिन या प्रथिनाचे प्रमाण कमी होऊ शकते. त्यामुळे शरीरातील द्रवपदार्थांचे संतुलन बिघडून सूज येऊ शकते.काही व्यक्तींमध्ये हात किंवा बोटांवर सूज दिसू शकते.
काही दीर्घकालीन यकृतविकारांमध्ये बोटांच्या टोकांचा आकार गोलसर आणि फुगीर होऊ शकतो. नखांचा आकारही अधिक वक्र दिसू शकतो. या स्थितीला 'क्लबिंग' म्हणतात.
डुप्युट्रेन कॉन्ट्रॅक्चर ही हाताच्या तळव्याखालील ऊती जाड होण्याची समस्या आहे. यामुळे तळहातावर कडक गाठी किंवा दोरीसारखा घट्टपणा जाणवू शकतो. बोटे काही प्रमाणात वाकतात.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.