Saam Tv
कुंडीतील झाडांना पांढरी माशी किंवा मुंग्या लागल्यास लिंबाच्या साली पाण्यात उकळून घ्या आणि ते पाणी थंड करुन स्प्रे बाटलीत भरून झाडांवर फवारा. लिंबाच्या वासामुळे कीटक दूर होतील.
लिंबाच्या सालींमध्ये पोटॅशियम, कॅल्शियम आणि मॅग्नेशियमसारखे पोषक घटक असतात. त्यामुले लिंबांच्या सालींचे छोटे-छोटे तुकडे करून मातीत मिसळा.
घरात ओल्या कचऱ्यापासून खत बनवत असाल, तर त्यात लिंबाच्या सालीही टाकू शकता. या इतर सेंद्रिय कचऱ्यासोबत हळूहळू कुजतात आणि कम्पोस्टिंग प्रक्रियेचा भाग बनतात.
ज्या ठिकाणी वारंवार मुंग्या येतात, तिथे लिंबाच्या साली ठेवल्या जाऊ शकतात. विशेषतः झाडांच्या आसपास किंवा मुंग्यांची ये-जा जास्त असलेल्या ठिकाणी.
घरी खत तयार करताना दुर्गंध येतो. अशा वेळी खतात लिंबाच्या काही साली मिसळू शकता. यामुळे खताचा दुर्गंध कमी होण्यास मदत होते.
बाग किंवा बाल्कनीमधील बसण्याची जागा ताजी आणि सुगंधीत ठेवण्यासाठी लिंबाच्या साली पाण्यात उकळून ते पाणी थंड करून घ्या. त्याच्या सुगंधामुळे वातावरण प्रसन्न राहिल.
झाडांची छाटणी करताना स्वच्छ औजारांचा वापर करणे गरजेचे असते. लिंबाच्या सालीने औजारे घासून साफ करा आणि नंतर पाण्याने धुवून नीट वाळवून घ्या.
लिंबाच्या साली झाडांच्या मातीत टाकताना नेहमी कमी प्रमाणापासून सुरुवात करा.
जर कम्पोस्टमध्ये टाकत असाल तर इतर सेंद्रिय कचऱ्यासोबत व्यवस्थित मिसळा.
लिंबाच्या साली झाडाच्या मुळांच्या अगदी जवळ किंवा खूप जास्त प्रमाणात थेट टाकू नका, त्यातील सायट्रिक घटकांचा मातीवर परिणाम होऊ शकतो.