ब्युरो रिपोर्ट, साम टीव्ही, मुंबई
देसी स्मार्टफोन मेकर कंपनी लाव्हाने भारतीय बाजारपेठांमध्ये बजेट स्मार्टफोन शार्क २ लॅान्च केला आहे. तर या स्मार्टफोनचे स्पेसिफिकेशन जाणून घेवूया.
हा स्मार्टफोन 4 जीबी रॅम + 64 जीबी स्टोरेजसह सिंगल वॉरेंटिमध्ये लाँच करण्यात आला आहे, ज्याची किंमत 7,500 रुपये आहे.
या स्मार्टफोनचा लुक आयफोन १६ शी मिळता जुळता आहे. ट्रिपल रियर कॅमेरा सेटअप असलेल्या या फोनमध्ये ५० मेगापिक्सेलचा प्रायमरी कॅमेरा आहे, तर सेल्फी कॅमेरा ८ मेगापिक्सेलचा आहे.
लाव्हाच्या नवीन फोनमध्ये 6.75 इंचीचा HD+ डिस्प्ले दिला आहे. ज्याचे रेजोल्यूशन 720x1612 पिक्सल आहे.
ऑक्टा-कोर युनिसॉक टी7250 चिपसेटद्वारे समर्थित, हा स्मार्टफोन अँड्रॉइड १५ सह येतो.
या स्मार्टफोनमध्ये 5000 एमएएच बॅटरी आणि 18 वॅट फास्ट चार्जिंग सपोर्ट आहे.
लाव्हा शार्क २ ला IP54 डस्ट आणि वॅाटर रेटिंग आहे, याचा अर्थ ते पाण्याच्या हलक्या थेंबांपासून संरक्षित असेल, परंतु पाण्यात बुडल्यास ते खराब होऊ शकते.
ग्राहक स्मार्टफोन ऑनलाइन खरेदी करू शकत नाहीत कारण तो फक्त दुकानातून ऑफलाइन खरेदी करता येईल.