Siddhi Hande
लसूण शेव ही प्रत्येकाच्या घरात असतेच. लसूण शेव ही लहान मुलांना खूप आवडते.
ही लसूणी शेव तुम्ही घरच्या घरी बनवू शकतात. कमी तेलकट आणि टेस्टी शेव बनवण्याची रेसिपी वाचा.
लसूण शेव बनवण्यासाठी सर्वात आधी खूप लसूण सोलून घ्या. त्यानंतर एका मिक्सरच्या भांड्यात लसूण, जिरे आणि ओवा बारीक करा.
यानंतर एका भांड्यात बेसन पीठ, थोडं तांदळाचं पीठ, तिखट, हळद टाकून मिक्स करा. यात लसूणची पेस्ट टाका.
या मिश्रणात तुम्ही कडकडीत तापलेलं गरम तेल टाका. जेणेकरुन शेव कुरकुरीत होतील.
यानंतर पीठात पाणी टाकून कणीक घट्ट मळून घ्या. कणिक जास्त पातळ नसावे.
यानंतर तुम्ही शेव बनवण्याचा साचा घ्या. त्याला आतून तेल लावा. त्यात हे पीठ टाका.
एका बाजूला कढईत तेल गरम होण्यासाठी ठेवा. तेल चांगलं गरम झाल्यावर त्यात शेव पाडा.
ही शेव दोन्ही बाजूने छान कुरकुरीत होईपर्यंत तळून घ्या. त्यानंतर शेव थंड झाल्यावर हवाबंद डब्ब्यात ठेवा.