Shreya Maskar
हिवाळ्यात मुलांना हेल्दी खाऊ घाला. टिफिनला चटपटीत लसूण- मेथीची भाजी द्या. खास रेसिपी आताच लिहू घ्या. मुलं आवडीने खातील.
लसूण- मेथीची भाजी बनवण्यासाठी चणा डाळ, तीळ, शेंगदाणे, पाणी, मेथी, तेल, लसूण, मीठ, जिरे, कांदा, लाल मिरची पावडर, हळद, टोमॅटो प्युरी इत्यादी साहित्य लागते.
लसूण- मेथीची भाजी बनवण्यासाठी सर्वप्रथम मेथी स्वच्छ धुवून बारीक चिरून घ्यावी. मेथी नीट स्वच्छ करा. यात खराब पानं येणार नाही, याची काळजी घ्या.
मिक्सरच्या भांड्यात भाजलेली चणा डाळ, पांढरे तीळ, शेंगदाणे आणि गरजेनुसार पाणी घालून पेस्ट बनवा.
पॅनमध्ये तेल गरम करून त्यात जिरे, लसूण, कांदा, लाल मिरची पावडर, हळद टाकून खमंग फोडणी तयार करा.
यात बारीक चिरलेली मेथी आणि चवीनुसार मीठ घालून तेलात परतून घ्या. फोडणीत तुम्ही खडे मसाले टाकू शकता.
यात चणा डाळीची प्युरी, टोमॅटोची प्युरी घालून तेल सुटेपर्यंत शिजवा. त्यानंतर पाणी, मेथी टाकून भाजी शिजवून घ्या.
गरमागरम चपाती आणि भातासोबत लसूणी मेथीची भाजीचा आस्वाद घ्या. हिवाळ्यात हा पदार्थ आवर्जून बनवा. शरीराला पोषक घटक मिळतील.