Shruti Vilas Kadam
घरातून बाहेर पडताना मोबाईल पूर्ण चार्ज करून घ्या. कुटुंबातील सदस्यांचे नंबर सेव्ह ठेवा. फोनमध्ये इमर्जन्सी SOS आणि लोकेशन शेअरिंग सुरू ठेवा. अडचण आल्यास यामुळे लगेच मदत मागता येईल.
महिलांनी आपल्या बॅगेत छोटा सेफ्टी अलार्म ठेवावा. काही धोका जाणवल्यास तो वाजवता येतो. त्याच्या मोठ्या आवाजामुळे आजूबाजूच्या लोकांचे लक्ष वेधले जाते आणि मदत मिळू शकते.
रात्री बाहेर जाताना छोटी टॉर्च उपयोगी पडते. अंधाऱ्या रस्त्यावर चालताना, पार्किंगमध्ये किंवा काही वस्तू शोधताना तिचा वापर करता येतो. त्यामुळे मोबाईलची बॅटरीही वाचते.
स्वतःच्या बचावासाठी महिलांनी बॅगेत पेपर स्प्रे ठेवू शकता. अचानक धोका निर्माण झाल्यास तो उपयोगी पडू शकतो. मात्र, त्याचा वापर कसा करायचा, हे आधी समजून घ्या आणि संबंधित नियमांची माहिती घ्या.
बॅगेत एक छोटे कार्ड ठेवा. त्यावर तुमचे नाव, घरातील व्यक्तींचे फोन नंबर आणि महत्त्वाची वैद्यकीय माहिती लिहा. मोबाईल हरवला किंवा बंद पडला, तर हे कार्ड मदतीला येऊ शकते.
अडचणीच्या वेळी मदत मिळण्यासाठी महत्त्वाचे हेल्पलाइन नंबर मोबाईलमध्ये सेव्ह करून ठेवा. भारतातील आपत्कालीन मदतीसाठी ११२ आणि महिला हेल्पलाइनसाठी १८१ या क्रमांकांचा उपयोग करता येतो.
कॅब किंवा रिक्षाने प्रवास करताना गाडीचा नंबर तपासा. तो घरातील व्यक्तींना पाठवा. प्रवासादरम्यान आपले लाईव्ह लोकेशन शेअर करा. शक्यतो गर्दीच्या रस्त्याने प्रवास करा.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही.