Surabhi Jayashree Jagdish
मानवी शरीराच्या आरोग्यावर झोप, आहार, मानसिक स्थिती आणि जीवनशैली यांचा थेट परिणाम होतो. काही सवयींमुळे त्वचेवर लवकर वृद्धत्वाची चिन्हं दिसू लागतात.
त्यामुळे महिलांच्या दैनंदिन सवयींकडे विशेष लक्ष देणं गरजेचं आहे. योग्य जीवनशैली नसेल तर तुम्ही अकाली वृद्ध दिसण्याची शक्यता असते. यामध्ये कोणत्या सवयींचा समावेश आहे ते पाहूयात
झोप कमी घेतल्यामुळे शरीराला योग्य विश्रांती मिळत नाही आणि त्वचा स्वतःची दुरूस्ती करू शकत नाही. यामुळे चेहऱ्यावर डार्क सर्कल आणि थकवा दिसू लागतो. दीर्घकाळ झोपेची कमतरता राहिल्यास त्वचा लवकर निस्तेज होते.
पाणी कमी प्यायल्यामुळे शरीरात डिहायड्रेशन होतं आणि त्वचा कोरडी पडते. कोरडी त्वचा लवकर सुरकुत्या निर्माण करते. योग्य प्रमाणात पाणी न घेतल्यास शरीरातील टॉक्सन घटक बाहेर पडत नाहीत आणि त्वचेची चमक कमी होते.
अतिरिक्त ताणामुळे शरीरात कॉर्टिसोल हार्मोन वाढतो जे त्वचेसाठी हानिकारक ठरतं. यामुळे चेहऱ्यावर वृद्धत्वाची लक्षणं लवकर दिसू लागतात. सतत मानसिक दडपण राहिल्यास शरीराची नैसर्गिक चमक कमी होते.
ज्या महिलांना लवकर राग येतो त्यांचं हार्मोनल संतुलन बिघडण्याची शक्यता वाढते. यामुळे त्वचेवर पिंपल्स आणि इतर समस्या निर्माण होतात. रागामुळे चेहऱ्याच्या स्नायूंवर ताण येतो आणि सुरकुत्या लवकर दिसतात.
व्यायाम न केल्यामुळे शरीरातील रक्ताभिसरण कमी होतं. याचा परिणाम त्वचेवर ऑक्सिजन आणि पोषण कमी मिळण्यात होतो. त्यामुळे त्वचा निस्तेज आणि थकलेली दिसू लागते.