Shreya Maskar
आता लग्नसराई आणि सणासुदीचा काळ सुरू आहे. सण समारंभ म्हटले की, महिलांचा साज श्रृंगार आला. प्रत्येक महिला सुंदर आहे आणि तिला समारंभात आणखी सुंदर दिसायचे असते. त्यात दागिने त्यांना खूप आवडतात, तसेच त्यांच्या लूकची शोभा वाढवता
महिलांचा साज श्रृंगार हा बांगड्यांशिवाय अपूर्ण आहे. बांगड्यांचा आवाज मधुर असतो. पूर्वी फक्त काचेच्या बांगड्या मिळायच्या. पण आता बांगड्यांमध्ये देखील विविध प्रकार आणि डिझाइन पाहायला मिळतात.
लग्न समारंभ, सण, पूजा या सर्व प्रसंगांना आपण पारंपरिक लूक करतो. हा बांगड्यांचा सेट जर तुमच्याकडे असेल तर प्रत्येक समारंभात तुम्ही उठून दिसाल. 'कुंदन बांगड्या' साडी, ड्रेस आणि लेहेंगा सर्वांवर शोभून दिसतात.
कुंदन बांगड्यांमध्ये मीनाकारी कुंदन, पोल्की कुंदन, मोती जडित कुंदन, आणि पारंपरिक गोल बांगड्या यांचा समावेश होतो. लग्न समारंभात कुंदनच्या बांगड्या सुंदर दिसतात.
मोत्यांच्या बांगड्यांसोबत कुंदनच्या नाजूक बांगड्या घालू शकता. कुंदन बांगड्यांमध्ये डायमंड , स्टोन वर्क आणि मोत्यांचे अत्यंत सुंदर काम पाहायला मिळते.
हेवी कुंदन कडे सोन्याच्या किंवा काचेच्या बांगड्यांच्या मध्ये घालून एक सुंदर सेट तयार करा. हिरवे, लाल, रॉयल ब्लू आणि पांढरे कुंदन डिझाइन्स जास्त चालतात.
पारंपरिक कुंदन बांगड्या इंडो-वेस्टर्न ड्रेसेस, कुर्ता यांवर एक रॉयल लूक देतात. सिंगल जाड कुंदन कडा खूप आकर्षक दिसतो.
कुंदन बांगड्या त्यांच्या पारंपारिक, शाही आणि कलात्मक रचनेसाठी ओळखल्या जातात. ज्या तुम्हाला एक रॉयल लूक देतात. तुमच्या हातांचे सौंदर्य वाढवतात.