Shreya Maskar
यंदा श्रीकृष्ण जन्माष्टमी ४ सप्टेंबर (शुक्रवार) साजरी केली जाणार आहे. कृष्ण जन्माष्टमीच्या दिवशी भक्त दिवसभर उपवास करतात. मध्यरात्री बालकृष्णाच्या मूर्तीची पूजा करून त्याचा जन्मोत्सव साजरा करतात.
दही हंडीचा उत्सव ५ सप्टेंबरला जगभरात साजरा केला जाईल. या दिवशी उंच दही हंडी बांधली जाते. अनेक सार्वजनिक कार्यक्रमाचे आयोजन केले जाते.
श्रीकृष्ण जन्माष्टमीला नैवेद्य म्हणून खमंग पंजिरी बनवा. झटपट होणारी रेसिपी लिहून घ्या. पंजिरी हा एक पारंपारिक भारतीय गोड आणि पौष्टिक पदार्थ आहे.
पंजिरी बनवण्यासाठी धणेपूड, तूप, कमळबीज, पिठीसाखर, किसलेले खोबरे, काजू, बदाम, चिरोंजीच्या बिया आणि खरबुजाच्या बिया इत्यादी साहित्य लागते.
पंजिरी बनवण्यासाठी सर्वप्रथम एका पॅनमध्ये २ मोठे चमचे तूप गरम करा. नंतर, त्यात धणेपूड घालून ४-५ मिनिटे परतून घ्या. गॅस कमी आचेवर ठेवा.
आता धणेपूड एका भांड्यात काढून ठेवा. पॅनमध्ये पुन्हा उरलेले तूप घालून कमळबीज २-३ मिनिटे परतून घ्या.
मिश्रणात बारीक चिरलेले काजू, बदामचे काप टाका. त्यानंतर चिरोंजीच्या बिया, खरबुजाच्या बिया, साखर, खोबऱ्याची पूड आणि नंतर धणेपूड घालून चांगले मिसळा.
२ मिनिटे सर्व मिश्रण एकजीव झाल्यावर गॅस बंद करा. त्यानंतर पंजिरी एका स्वच्छ भांड्यात काढा. अशाप्रकारे स्वादिष्ट पंजिरी तयार झाली. तयार केलेली कोथिंबीर पंजिरी भगवान श्रीकृष्णाला अर्पण करा.