Shreya Maskar
कोल्हापूर आणि सिंधुदुर्ग जिल्ह्यांच्या सीमेवर रंगणा किल्ला वसलेला आहे. हा ऐतिहासिक डोंगरावरील किल्ला आहे. तुम्हाला येथे पावसाळ्यात ट्रेकिंगचा थरार अनुभवता येतो.
रंगणा किल्ला घनदाट जंगलातून जाणाऱ्या ट्रेकसाठी आणि छत्रपती शिवाजी महाराजांच्या काळातील मराठा इतिहासातील त्याच्या मोक्याच्या स्थानामुळे अत्यंत प्रसिद्ध आहे.
रंगणा किल्ला शिलाहार राजवटीने १२ व्या शतकात बांधला होता. कोकण किनारपट्टी आणि दक्षिण कोल्हापूरच्या संरक्षणासाठी शिवाजी महाराजांनी याचा वापर केला होता.
शिलाहार राजवटीतील राजा भोज (दुसरा) याने रंगणा किल्ला बांधला. याचे बांधकाम इसवी सन ११८७ मध्ये झाले. रंगणा किल्ल्याला 'प्रसिद्धगड' असेही म्हणतात.
छत्रपती शिवाजी महाराजांनी १६५९ मध्ये आदिलशाही राजवटीकडून रंगणा किल्ला जिंकून घेतला. त्यांनी त्याचे नाव बदलून 'प्रसिद्धगड' असे ठेवले आणि मराठा साम्राज्याच्या दक्षिण सीमांच्या संरक्षणासाठी त्याची डागडुजी केली. रायगड, कोकण आणि कर्नाटक यांच्या दरम्यान प्रवास करताना शिवाजी महाराज या किल्ल्याचा तळ म्हणून वापर करत होते.
रंगणा किल्ल्याचा आकार नैसर्गिकरीत्या खडकाळ आहे. हा किल्ला सह्याद्रीच्या दुर्गम पर्वतरांगेच्या नैसर्गिक रचनेनुसार वसलेला आहे. किल्ल्याचे दुसरे प्रवेशद्वार अर्धवर्तुळाकार असल्यामुळे प्रसिद्ध आहे.
२,६०० फूट उंचीवर असलेला रंगणा किल्ल्याचा ट्रेक जगात भारी आहे. पावसाळ्यात आणि हिवाळ्यात तुम्ही येथे ट्रेकिंगचा थरार पाहायला मिळतो.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.