Shreya Maskar
पावसाळ्यात तुम्ही फॅमिली ट्रिप प्लान करत असाल तर गगनबावडाजवळील नापणे धबधबा सुंदर लोकेशन आहे.
गगनबावडाजवळील सर्वात प्रसिद्ध आणि लोकप्रिय धबधबा म्हणजे 'नापणे धबधबा' होय. हा धबधबा वर्षभर वाहतो. तसेच 'नापणे धबधबा' दाट हिरव्यागार जंगलांनी वेढलेला आहे.
नापणे धबधब्याला 'शेर्पे-नापणे धबधबा' म्हणूनही ओळखले जाते. हा सिंधुदुर्ग जिल्ह्यात स्थित आहे.
नापणे धबधबा महाराष्ट्रातील पहिल्या 'ग्लास स्कायवॉक'साठी (काचेच्या पुलासाठी) प्रसिद्ध आहे, हा पारदर्शक पूल थेट वेगाने वाहणाऱ्या पाण्याच्या प्रवाहावर उभारण्यात आला आहे.
ग्लास स्कायवॉक हा २२ मीटर लांबीचा काचेचा पूल थेट धबधब्याच्या प्रवाहावर उभारण्यात आला आहे. तुम्हाला येथे निसर्गाचा अद्भुत नजारा पाहायला मिळतो.
या पुलावर अतिशय मजबूत पारदर्शक फरशी बसवण्यात आली आहे, ज्यामुळे पर्यटकांना वेगाने वाहणाऱ्या पाण्यावरून चालण्याचा अनुभव घेता येतो.
नापणे धबधब्याच्या आजूबाजूला विविध पक्षी पाहायला मिळतात. हे ठिकाण फोटोशूटसाठी बेस्ट आहे. सप्टेंबर ते फेब्रुवारी या कालावधीत येथे पर्यटकांची गर्दी पाहायला मिळते.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.