Shreya Maskar
पावसाळ्यात तुम्हाला मित्रांसोबत ट्रिप प्लान करायची असेल तर 'लिंगाचा डोंगर' हे बेस्ट लोकेशन आहे. पावसाळ्यात येथील सौंदर्य खुलून येते.
रत्नागिरी जिल्ह्यातील मार्लेश्वर आणि आंगवली परिसरातील सह्याद्री रांगेत 'लिंगाचा डोंगर' हे ठिकाण वसलेले आहे. यात ७० अंशांचा तीव्र चढ, दाट जंगलातील वाटा आणि आसपासच्या धबधब्यांची विहंगम दृश्ये यांचा समावेश आहे.
'लिंगाचा डोंगर' चा ट्रेकिंग आंगवली गावापासून सुरु होते. कोकणात गेल्यावर या ठिकाणी एक वन डे ट्रिप प्लान कराच. लिंगाच्या डोंगराच्या अंतिम टप्प्यावर ७० अंशांचा तीव्र चढ असून तो एका लहान गुहेपर्यंत (शिखरावरील गुहा) जातो.
लिंगाचा डोंगर ट्रेकच्या आसपासच्या प्रमुख पर्यटन स्थळांमध्ये नैसर्गिक शिवालिंगाच्या आकाराचा खडक, मार्लेश्वर मंदिर आणि मार्लेश्वर धबधबा यांचा समावेश होतो.
शिखरावर नैसर्गिक खडकापासून बनलेली शिवलिंगासारखी रचना आहे. हिरव्यागार दऱ्या आणि डोंगररांगांचे ३६०-अंशांचे विहंगम दृश्य येथे पाहायला मिळते.
मार्लेश्वर मंदिर हे भगवान शंकराचे प्रसिद्ध प्राचीन गुहा मंदिर आहे. मंदिराच्या जवळ वेगाने खाली पडणारा मार्लेश्वर धबधबा आहे. तुम्ही येथे भन्नाट फोटोशूट देखील करू शकता.
लिंगाचा डोंगरला गेल्यावर तुम्हाला सूर्यास्ताचा सुंदर नजारा पाहायला मिळेल. जंगलातील वाटा, मोकळी गवताळ मैदाने आणि डोंगररांगांवरील खडकाळ भागांमधून फिरताना खूपच मजा येईल.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.