Shreya Maskar
गणेश चतुर्थी काही दिवसांवर येऊन ठेपली आहे. गौरी-गणपतीला कोकणात बनवतात तसे गव्हाच्या पिठाचे मोदक बनवा. सोपी पारंपरिक रेसिपी वाचा.
गव्हाच्या पिठाचे मोदकांसाठी पारी बनवण्यासाठी मैदा, गव्हाचे पीठ, रवा, तूप, दूध आणि चवीपुरते मीठ इत्यादी साहित्य लागते.
तर मोदकांचे सारण बनवण्यासाठी ओलं खोबरं, गुळ, खवा, वेलची पावडर आणि ड्रायफ्रूट इत्यादी साहित्य लागते.
गव्हाच्या पिठाचे मोदक बनवण्यासाठी सर्वप्रथम पॅनमध्ये तूप गरम करून ड्रायफ्रूट परतून घ्या. त्यानंतर गूळ विरघळेपर्यंत सतत ढवळत रहा.
आता मिश्रणात ओलं खोबरं टाकून व्यवस्थित मिक्स करा. मोदकाच्या सारणाची चव आणखी वाढवण्यासाठी त्यात खवा आणि वेलची पावडर घाला.
दुसरीकडे एक मोठी परात घ्या. त्यात मैदा. गव्हाचे पीठ, रवा, तूप, दूध आणि चवीनुसार मीठ घालून चांगली कणिक मळून घ्या. पीठ मऊ राहील याची काळजी घ्या.
तयार पिठाचे छोटे छोटे गोळे करा आणि त्याची पारी तयार करून घ्या. आता पारीत तयार सारण घालून कडेला दूध लावून मोदकाचा आकार द्या.
शेवटी पॅनमध्ये तेल गरम करून मोदक गोल्डन फ्राय होईपर्यंत चांगले तळून घ्या. गॅस कमी आचेवर ठेवा. अशा पद्धतीने कोकणात गावाकडे बनवतात अगदी तसे गव्हाच्या पिठाचे मोदक (तळणीचे मोदक) तयार झाले.