Shreya Maskar
जाम्भ्रूण हे कोकण विभागातील रत्नागिरी जिल्ह्यात वसलेले एक दुर्गम आणि पर्यावरणपूरक गाव आहे. हे गाव रत्नागिरी शहरापासून गणपतीपुळेकडे जाणाऱ्या मार्गावर साधारण २० किलोमीटर अंतरावर वसलेले आहे.
जाम्भ्रूण हे एक शांत गाव असून तेथील प्राचीन पाषाण-शिल्पे , स्वयंपूर्ण जलव्यवस्था आणि ग्रामीण पर्यावरण-पर्यटन यासाठी ते ओळखले जाते. निसर्गाच्या सानिध्यात येथे भन्नाट फोटोज् काढू शकता.
या परिसरात सुमारे ५० पाषाण-शिल्पे आढळतात. जांभ्या दगडाच्या पठारांवर कोरलेली ही शिल्पे अंदाजे १०,००० ते १२,००० वर्षे जुनी असावी. त्यात प्राणी आणि मानवांच्या नैसर्गिक आकाराच्या प्रतिमांचा समावेश आहे.
गावात नैसर्गिक आणि थंड पाण्याच्या झऱ्यांपासून येणाऱ्या पारंपरिक जलवाहिन्या (पाट) जतन केल्या गेल्या आहेत, ज्याद्वारे वर्षभर घरगुती वापरासाठी स्वच्छ पाणी उपलब्ध होते.
जाम्भ्रूण ट्रेल्स म्हणजे रत्नागिरीजवळील कोकण प्रदेशात वसलेल्या जाम्भ्रूण या निर्मनुष्य गावात स्थित एक प्रमुख इको-टुरिझम केंद्र आणि ग्रामीण होमस्टे होय.
पारंपरिक नगररचना पद्धतीचा वापर करून वसलेल्या या गावात, लहान वस्त्या (वाड्या) एकमेकांशी स्थानिक जांभ्या दगडातून थेट कोरलेल्या पायवाटा आणि पायऱ्यांनी जोडलेल्या आहेत.
पावसाळ्यात आणि हिवाळ्यात या ठिकाणाला आवर्जून भेट द्या. निसर्गाचा अद्भूत नजारा तुम्हाला पाहायला मिळेल.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.