Shreya Maskar
गगनबावडा हे महाराष्ट्राच्या कोल्हापूर जिल्ह्यातील एक निसर्गरम्य सुंदर आणि पावसाने न्हाऊन निघालेले थंड हवेचे ठिकाण (हिल स्टेशन) आहे. तुम्हाला उन्हाळ्यात येथे थंडगार वातावरण अनुभवता येते.
गगनबावडा सह्याद्रीच्या रांगांमध्ये ३,००० फूट उंचीवर वसलेले आहे. गगनबावडा कोल्हापूरपासून सुमारे ५५ किलोमीटर अंतरावर स्थित आहे. तुम्ही येथे वन डे ट्रिप प्लान करू शकता.
आपल्या घनदाट अरण्यांसाठी, धबधब्यांसाठी आणि दोन नयनरम्य घाटांसाठी (करुल आणि भुईबावडा) गगनबावडा प्रसिद्ध आहे. घाटांमधील नागमोडी वळणांची, धुक्याने आच्छादलेली विहंगम दृश्ये पाहता येतात.
गगनबावडा येथे गेल्यावर कोकण किनारपट्टीचे विहंगम दृश्ये दाखवणारे 'व्ह्यू पॉइंट्स' पाहायला मिळतात. पक्षी निरीक्षणासाठी हे ठिकाण खूप सुंदर आहे.
गगनबावडा हे बॉलिवूड आणि मराठी चित्रपटसृष्टीतील अनेक चित्रपटांसाठी पसंतीचे शूटिंग लोकेशन राहिले आहे. उदा- 'पछाडलेला' चित्रपट
गगनबावडा जवळ गगनगड किल्ला देखील आहे. १२ व्या शतकात राजा भोज (दुसरा) यांनी बांधलेला हा किल्ला करूळ आणि भुईबावडा या दोन प्राचीन घाटांच्या संरक्षणासाठी उभारण्यात आला होता.
कोल्हापूर स्टेशनला उतरून तुम्ही रिक्षा किंवा बसने गगनबावडा येथे जाता येथे. पावसाळ्यात गगनबावडा हे हिल स्टेशन स्वर्गाहून सुंदर दिसते.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.