Shruti Vilas Kadam
हार्ड वॉटरमध्ये कॅल्शियम आणि इतर मिनरल्सचे प्रमाण जास्त असते. भांड्यावरील पाण्याच्या थेंबांचे बाष्पीभवन झाल्यानंतर हे मिनरल्स स्टीलच्या पृष्ठभागावर राहतात आणि पांढरे डाग दिसू लागतात.
भांडी धुतल्यानंतर ती आपोआप सुकण्यासाठी ठेवण्याऐवजी स्वच्छ आणि मऊ कपड्याने लगेच पुसून घ्या. यामुळे पाण्याचे थेंब सुकून मिनरल्सची पुटे तयार होण्याची शक्यता कमी होते.
स्टीलच्या भांड्यात स्वयंपाक करताना कोरड्या भांड्यात थेट मीठ टाकणे किंवा थंड पाण्यात मीठ विरघळू न देता ठेवणे टाळा. यामुळे भांड्याच्या तळाशी पांढरे डाग पडू शकतात.
डिशवॉशिंग लिक्विड किंवा साबण व्यवस्थित निघाला नाही, तर भांडे सुकल्यानंतर पांढरी किंवा धुसर पुटे दिसू शकतात. त्यामुळे भांडी स्वच्छ पाण्याने व्यवस्थित धुवा.
पांढरे पाण्याचे डाग हटवण्यासाठी समान प्रमाणात पाणी आणि व्हिनेगर घेऊन ते डाग असलेल्या भागावर लावा. काही मिनिटांनी मऊ स्पंजने हलक्या हाताने साफ करून भांडे धुवा.
डाग खूप जुने किंवा हट्टी असतील तर पाणी आणि व्हिनेगरचे मिश्रण भांड्यात घेऊन हलके गरम करता येते. त्यानंतर भांडे थंड करून व्यवस्थित धुवा आणि कोरडे करा.
स्टीलची भांडी घासताना अतिशय खडबडीत स्क्रबर वापरणे टाळा. त्यामुळे पृष्ठभागावर ओरखडे पडू शकतात. तसेच रिकामे स्टीलचे भांडे अतिशय जास्त आचेवर दीर्घकाळ गरम करू नका.