Manasvi Choudhary
उन्हाळ्यात स्वयंपाकघरातील अनेक पदार्थ खराब होतात. उन्हाळ्याच्या दिवसात पदार्थ नीट स्टोअर करून ठेवले नाही तर त्यात लवकर किड्या, अळ्या लागतात.
रव्यामध्ये अळ्या झाल्यानंतर ते वाया जाण्याची शक्यता असते यासाठी आज आम्ही तुम्हाला रवा व्यवस्थित स्टोअर करण्याच्या टिप्स सांगणार आहोत.
रवा स्वच्छ, कोरड्या आणि हवाबंद डब्यात ठेवा कारण ओलावा आणि हवेमुळे रवा लवकर खराब होतो.
डब्यातून रवा काढताना नेहमी कोरड्या चमच्याचा वापर करावा.
रवा टिकवून ठेवण्यासाठी तुम्ही त्यात कडुनिंबाची पाने ठेवू शकता. कडुनिंबाच्या सुक्या पानांमुळे नैसर्गिकरीत्या कीटकनाशक म्हणून काम होते. यामुळे रव्याला जाळी लागत नाही.
उन्हाळ्यात रव्यामध्ये किडे, अळ्या होऊ नये म्हणून फ्रिजमध्ये ठेवा.
दर १० ते १५ दिवसांनी रवा थोडा वेळ उन्हात वाळवावा, जेणेकरून त्यातील ओलावा पूर्णपणे निघून जाईल.
डब्यामध्ये ५-६ लवंगा किंवा २-३ तेजपत्त्याची पाने टाकल्यास त्याच्या उग्र वासामुळे अळ्या आणि किडे होत नाहीत.