Shruti Vilas Kadam
भांडी घासण्यासाठी आपण रोज स्पंज वापरतो. त्यामुळे त्यामध्ये हळूहळू जंतू जमा होतात. म्हणून दर १ ते २ आठवड्यांनी नवीन स्पंज वापरा. स्पंज खराब झाला असेल तर लगेच बदला.
भांडी घासण्याच्या स्पंजमधून कुबट वास येत असेल तर तो वापरू नका. त्यामध्ये अन्नाचे कण आणि घाण अडकलेली असू शकते. त्यामुळे असा स्पंज लगेच बदला.
भांडी घासून झाल्यानंतर स्पंज स्वच्छ पाण्याने धुवा. त्यामध्ये साबण, तेल आणि अन्नाचे कण राहणार नाहीत याची काळजी घ्या. यामुळे स्पंज स्वच्छ राहण्यास मदत होते.
स्पंज वापरल्यानंतर त्यातील पाणी पिळून काढा. त्यानंतर तो हवेशीर जागी वाळत ठेवा. ओल्या स्पंजमध्ये जंतू लवकर वाढू शकतात.
स्पंजचा रंग बदलला असेल, त्यावर काळे डाग पडले असतील किंवा तो फाटला असेल तर लगेच बदला. खराब स्पंजने भांडी नीट स्वच्छ होत नाहीत.
भांडी, गॅस आणि सिंक स्वच्छ करण्यासाठी एकच स्पंज वापरू नका. प्रत्येक कामासाठी वेगळा स्पंज ठेवा. यामुळे एका ठिकाणची घाण दुसऱ्या ठिकाणी पसरणार नाही.
भांडी घासण्यासाठी चांगल्या दर्जाचा स्पंज निवडा. तो सहज स्वच्छ करता येईल असा असावा. वापरल्यानंतर तो धुवा आणि वाळत ठेवा. स्पंजला वास येत असेल किंवा तो खराब झाला असेल तर नवीन स्पंज वापरा.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही.