ब्युरो रिपोर्ट, साम टीव्ही, मुंबई
स्वयंपाक घरातील मुख्य वस्तू म्हणजे सिलेंडर. याच्या शिवाय स्वयंपाक तयार करणे शक्यच नाही.
मात्र अनेकदा काही गृहिणींची तक्रार असते की, गॅस महिना संपण्याच्या आधीच संपतो.
चला तर पाहूयात स्वयंपाक करताना कोणत्या गोष्टी लक्षात ठेवाव्यात जेणे करुन गॅसची बचत होईल.
स्वयंपाक करताना लक्षात ठेवा की, कोणताही पदार्थ बनवताना गॅसवर शिजत असताना त्यावर झाकण ठेवावे,अशाने तो पदार्थ लवकर शिजला जातो.
जेव्हा तुम्ही स्वयंपाक करताना प्रेशर कुकरचा वापर करता तेव्हा पदार्थ लवकर शिजला जातो,त्यामुळे गॅसची बचत होते.
जेवण बनवताना सर्व साहित्य तयार ठेवावे अनेकदा काही साहित्य सापडत नाही,त्यामुळे गॅसवर तो पदार्थ तसाच शिजत राहतो त्यात गॅसही वाया जातो.
कायम लक्षात ठेवा की जेवण बनवताना तो कमी आचेवर शिजवल्यास गॅसची बचत होण्यास मदत होते.
अनेकदा गॅसच्या बर्नरमध्ये घाण अडकल्याने गॅसची फ्लेम अनेकदा अधिक मोठी होती त्यामुळेही गॅस वाया जातो.