Dhanshri Shintre
८०-९० च्या दशकात कायनेटिक स्कूटरने भारताच्या रस्त्यांवर वर्चस्व गाजवले. सुमारे ४१ वर्षांपूर्वी, कायनेटिकने होंडासोबत डीएक्स स्कूटर लाँच केली होती.
आज कायनेटिकने भारतात त्यांच्या नवीन इलेक्ट्रिक स्कूटर डीएक्स ईव्हीचा अधिकृतपणे विक्रीसाठी लाँच केला आहे.
कंपनीने नवीन इलेक्ट्रिक स्कूटर दोन व्हेरिएंट्समध्ये सादर केली आहे. DX ची किंमत १,११,४९९ रुपये आणि DX+ ची किंमत १,१७,४९९ रुपये आहे.
कंपनीच्या म्हणण्यानुसार, ही नवीन इलेक्ट्रिक स्कूटर दशकांचा वारसा आधुनिक तंत्रज्ञानाने सज्ज करून अनेक प्रगत फीचर्ससह सादर केली आहे.
नवीन कायनेटिक डीएक्समध्ये खास एलईडी हेडलाइट असून, दोन्ही बाजूंना कायनेटिक लोगो आकाराच्या एलईडी डेटाइम रनिंग लाइट्स (DRL) दिल्या आहेत.
कंपनी कायनेटिक डीएक्स इलेक्ट्रिक स्कूटर पाच रंगांमध्ये उपलब्ध करत आहे, ज्यात लाल, निळा, काळा, पांढरा आणि चांदीचा रंग आहे.
या स्कूटरचा कमाल वेग ९० किमी/तास असून ती तीन रायडिंग मोड्ससह येते, रेंज, पॉवर आणि टर्बो पर्याय उपलब्ध आहेत.
कायनेटिक डीएक्समध्ये ८.८ इंचाचा खास इन्स्ट्रुमेंट क्लस्टर आहे, ज्याची डिझाइन जुनी कायनेटिक डीएक्स स्कूटर लक्षात घेऊन तयार करण्यात आली आहे.